🥃👑 ကြီးကျယ်ခမ်းနားခြင်းဆိုတဲ့ ဂုဏ်ဒြပ်တွေနဲ့ Louis XIII Cognac

 Louis XIII Cognac

ကြီးကျယ်ခမ်းနားခြင်းဆိုတဲ့ ဂုဏ်ဒြပ်တွေကို ဘယ်အရာနဲ့ တိုင်းတာပါသလဲ?

လက်ရှိ သက်ရှိထင်ရှားနဲ့ ပိုင်ဆိုင်နေတဲ့ အချိန်လေးမှာ အကောင်းဆုံးဆိုတာတွေကိုပဲ ခံစားဖို့ ထိုက်တန်တယ်လို့ပြောရင် သင်လက်ခံပါသလား ?

ကြီးကျယ်မြင့်မြတ်တဲ့ ပြင်သစ်ဘုရင် Louis Xlll ရဲ့ ဂုဏ်သတ္တိတွေကို အတိုင်းသား ခံစားနိုင်မဲ့ Louis Xlll cognac ကိုသောက်ဖူးတယ်ဆိုရင် သင်ဟာ လူဖြစ်ခွင့်ရတဲ့ စည်းစိမ်ချမ်းသာမှုကို ခံစားခဲ့နိုင်တယ်ဆိုတာ မှတ်ယူထားလိုက်ပါ။

Louis XIII cognac ဟာ ကမ္ဘာပေါ်မှာ စျေးအကြီးဆုံး cognac တွေထဲက တစ်ခုဖြစ်ပါတယ်။ ဒီ cognac ကို ပြင်သစ်နိုင်ငံ အခြေစိုက် Rémy Cointreau Group က ပိုင်ဆိုင်ပြီးတော့ Rémy Martin ကနေထုတ်လုပ်တဲ့ Cognac ဖြစ်ပါတယ်။

နှလုံးရည် လက်ရုန်းရည် ပြည့်စုံပြီးကြီးကျယ်ခမ်းနားတဲ့ သမိုင်းကို ဖန်တီးနိုင်ခဲ့တဲ့ ပြင်သစ်ဘုရင်လူးဝစ် (XIII) ကို ဂုဏ်ပြုချီးမြှောက်တဲ့ အနေနဲ့ ဒီနာမည်ကို ပေးခဲ့ ခြင်းဖြစ်ပါတယ်။

Louis XIII cognac ကို ၁၇၀၀ ပြည့်လွန်နှစ်များအစောပိုင်းကတည်းက စတင်ထုတ်လုပ်ခဲ့တာပါ။ Louis XIII Cognac ရဲ့ စျေးကြီးရတဲ့ အကြာင်းရင်းက ဒီ cognac ကို ရဖို့ အနည်းဆုံး နှစ်၅၀ ကနေ နှစ် ၁၀၀ အထိ အချိန်ယူပြီး ပြုလုပ်ရခြင်းကြောင့်လို့ ဆိုရမှာပါ။

ထုတ်လုပ်မှု ကုန်ကြမ်းတွေဟာလဲ တကယ့်စပယ်ရှယ်လို့ပြောရမှာပါပဲ။ Grande Champagne ဒေသမှ ထွက်တဲ့ စပျစ်သီးအကောင်းစားတွေကိုမှရွေးပြီး Oak Barrel တွေထဲမှာ နှစ်ရာချီပေါင်းခံပြီးမှ ပြုလုပ်ရတာမို့လို့ အလွန်အဖိုးထိုက်တန်လှတဲ့ Cognac တစ်မျိုးဖြစ်ပါတယ်။